Мажбурий ижро бюроси Қорақалпоғистон Республикаси бошқармаси бошлиғининг Амударё туманида навбатдаги сайёр қабули ўтказилди.
Сайёр қабул давомида 9 нафар жисмоний ва юридик шахснинг мурожаати тингланди. Шундан 3 та мурожаат масъуллар томонидан жойида қаноатлантирилиб, 2 та мурожаатга ҳуқуқий тушунтириш берилди. Қолган мурожаатлар назоратга олинди.
Қабул давомида кўриб чиқилган мурожаатларнинг асосий қисми суд қарорлари ижросини таъминлаш юзасидан бўлиб, шу жумладан, алимент қарздорлигини ундириш бўйича 6 та, тадбиркорлар ва фуқаролар фойдасига қарз ундириш бўйича 2 та, иш ҳақи ундириш ва бошқа масалалар бўйича 1 тадан мурожаат ташкил этди. Жумладан, суд қарорига асосан, амалий ёрдам сўралган мурожаатлар бўйича фуқаролар фойдасига қарздорликни ундириш ёки қарздорларнинг жавобгарлик масаласини ҳал қилиш юзасидан масъул раҳбарларга тегишли топшириқ берилди.
Масалан, қабулда иштирок этган тумандаги “Оқ олтин Амударё” фермер хўжалиги раҳбари А.Халимбетов “Амударё тех” МЧЖ кластеридан қарздорликни ундириб, уни ўзи раҳбарлик қилаётган фермер хўжалигининг солиқ қарздорлигини қоплашга йўналтириб беришни сўраган мурожаати кўриб чиқилди. Натижада ундирилган 130 миллион сўм пул маблағи Амударё тумани солиқ инспекциясига ўтказилиши таъминланди.
Мажбурий ижро бюроси Қорақалпоғистон Республикаси бошқармаси раҳбариятининг шаҳар ва туманлар бўйлаб сайёр қабуллари давом этмоқда.
Довуд Абибуллаев, ЎзА мухбири.