Ўзбекистоннинг Кувайт Давлатидаги янги элчиси Аюбхон Юнусов ушбу мамлакат ташқи ишлар вазири Абдулла Али Ал-Яҳёга ишонч ёрлиғи нусхасини топширди.
Маросимдан сўнг томонлар ўзаро ҳамкорликнинг жорий ҳолати ва истиқболини муҳокама қилиб, ижтимоий-иқтисодий, сиёсий, илмий, маданий-маърифий ҳамкорликни мустаҳкамлаш, умумий савдо кўламини кенгайтириш, инвестиция лойиҳаларини амалга ошириш муҳимлигини таъкидладилар.
Шунингдек, жорий йил учун қўшма тадбирлар жадвали кўриб чиқилди.
Эслатиб ўтамиз, А.Юнусов Ал-Кувайтга 6 февраль куни етиб борган. Тайинлангунга қадар у ТИВ Консуллик-ҳуқуқий департаменти бошқармаси бошлиғи бўлиб ишлаган.
ЎзА