CMS COP14 доирасида Самарқандда “Champion Night” тадбири бўлиб ўтди. Унда кўчиб юрувчи турларни сақлаш борасидаги улкан саъй-ҳаракатлари ва садоқатлари учун янги CMS чемпионлари мукофотланди.
Тадбир давомида Ўзбекистон “2024–2026-йилларда экологик алоқаларни таъминлашга қўшган ҳиссаси учун” фахрий мукофоти билан тақдирланди. Ўзбекистон номзоди сертификатини CMS ижрочи котиби Эми Френкел экология, атроф-муҳитни муҳофаза қилиш ва иқлим ўзгариши вазири Азиз Абдуҳакимовга топширди.
![](https://cdn.uza.uz/2024/02/14/07/58/NWnMYlJx2gx7FIeqtqIaNfoQOOPkdJPx_front.jpg)
![](https://cdn.uza.uz/2024/02/14/07/58/ouRH0NwAeAgCt2n5wIPv8heB64kuOfxm_front.jpg)
Маълумот ўрнида таъкидлдаш лозимки, тадбир CMS томонидан ишлаб чиқилган ташаббусларни илгари суриш ва уларни барқарор қўллаб-қувватлашни рағбатлантиришга қаратилган «Migratory Species Champion» («Кўчиб юрувчи турлар чемпионлари») дастури доирасида бўлиб ўтди.
Муҳайё Тошқораева, ЎзА