Россия Федерацияси президенти Владимир Путин Шимолий Корея ташқи ишлар вазири Чое Сон Хуи билан ўтган ҳафта Россияда учрашганида тез орада Пхеньянга ташриф буюришга тайёрлигини билдирди, деб хабар бермоқда Шимолий Корея давлат ахборот агентлиги ”KCNA”.

Бу Россия раҳбарининг йигирма йилдан ортиқ вақт ичида Шимолий Кореяга илк сафари бўлади.

Кремль матбуот котиби Дмитрий Песковнинг хабар беришича, Россия президенти яқин орада Шимолий Кореяга ташриф буюради,лекин учрашув санаси ҳали маълум эмас.

Чоенинг ташрифи чоғида Россия КХДРга Украинадаги ҳарбий операциясини қўллаб-қувватлагани ва бирдамлиги учун миннатдорчилик билдирди, деб ёзмоқдқ “KCNA”.

Эслатиб ўтамиз, Владимир Путин 2000 йилнинг июль ойида Пхеньянга ташриф буюриб, Ким Чен Иннинг отаси Ким Чен Ир билан учрашган эди.