Кун сайин атмосфера ҳавосининг ёмонлашиб бориши оқибатида, кўзга кўринмас, аммо, инсон саломатлиги учун салбий таъсир қиладиган заррачалардан нафас олаяпмиз. НИМА ҚИЛИШ КEРАК дейсизми?

Санитария-эпидемиология қўмита майда РМ-2.5 дисперс заррачаларининг инсон саломатлигига таъсири ва унинг салбий оқибатларини камайтиришга қаратилган тавсияларини маълум қилди.

➖Хона ва иншоот ичидаги чанг ўтирадиган сирт юзаларини тез-тез нам латта билан артиб туринг, хавф юқори пайтда нам сочиқлар осиб чиқинг;

➖деразаларни ёпиқ ҳолда сақланг, айниқса кечаси ва тонг муддатларда ойна ва эшикларни зичлаб ёпинг;

➖ кўпроқ сув ичинг;

➖очиқ ҳавода ҳаракатланишдан тийилинг;

➖ тез-тез душ қабул қилинг, айниқса ташқаридан уйга киришда;

➖оғиз ва бурун бўшлиқларини тузли эритма билан ювинг ёки чайинг;

➖нафас олиш тизими касаллиги бор беморлар тиббий ниқобдан фойдаланишлари ва уни ҳар 2 соатда алмаштиришлари зарур

➖кўзларингизни ювиб туринг.

Ушбу тавсияларга амал қилинг, соғлиғингиз ўзингиз ва яқинларингиз учун жуда муҳим.

Нозимбек Мардонов, Искандар Исматов, ЎзА