Kun sayin atmosfera havosining yomonlashib borishi oqibatida, ko‘zga ko‘rinmas, ammo, inson salomatligi uchun salbiy ta’sir qiladigan zarrachalardan nafas olayapmiz. NIMA QILISH KERAK deysizmi?

Sanitariya-epidemiologiya qo‘mita mayda RM-2.5 dispers zarrachalarining inson salomatligiga ta’siri va uning salbiy oqibatlarini kamaytirishga qaratilgan tavsiyalarini ma’lum qildi.

➖Xona va inshoot ichidagi chang o‘tiradigan sirt yuzalarini tez-tez nam latta bilan artib turing, xavf yuqori paytda nam sochiqlar osib chiqing;

➖derazalarni yopiq holda saqlang, ayniqsa kechasi va tong muddatlarda oyna va eshiklarni zichlab yoping;

➖ ko‘proq suv iching;

➖ochiq havoda harakatlanishdan tiyiling;

➖ tez-tez dush qabul qiling, ayniqsa tashqaridan uyga kirishda;

➖og‘iz va burun bo‘shliqlarini tuzli eritma bilan yuving yoki chaying;

➖nafas olish tizimi kasalligi bor bemorlar tibbiy niqobdan foydalanishlari va uni har 2 soatda almashtirishlari zarur

➖ko‘zlaringizni yuvib turing.

Ushbu tavsiyalarga amal qiling, sog‘lig‘ingiz o‘zingiz va yaqinlaringiz uchun juda muhim.

Nozimbek Mardonov, Iskandar Ismatov O‘zA