Жаҳон соғлиқни сақлаш ташкилоти (ЖССТ) бош директори Тедрос Aдҳаном Гебрейесус Исроил армиясининг Ғазо секторида тинч аҳолини қирғин қилишини зудлик билан тўхтатишга чақирди.

“Ғазо секторидаги қирғин тўхтатилиши керак”, деб ёзади у ижтимоий тармоқдаги саҳифасида.

Бош директор Ғазо секторидаги Aл-Aқса шаҳидлари касалхонаси ҳудудида тўқнашувлар авж олгани ва эвакуация қилиш бўйича буйруқлар давом этаётгани ҳақида “ташвишли” хабарлар олаётганини айтди.

600 дан ортиқ Aл-Aқса шаҳидлари беморлари ва тиббиёт ходимлари шифохонани тарк этишга мажбур бўлдилар, дейди Гебрейесус тиббиёт муассасаси директорига таяниб.

“ЖССТ ходимлари Aл-Aқса шаҳидлари шифохонасида жирканч манзараларга гувоҳ бўлишди, у ерда турли ёшдаги одамлар қонга беланган поллар ва тартибсиз йўлакларда даволанди”, — деди Гебрейесус.

ЖССТ раҳбарининг таъкидлашича, аввалги ҳафталарда 14 нафар киши ҳалок бўлиб, 48 нафар ярадор шифохонага етказилган бўлса, сўнгги кунларда бу рақамлар анча ортган. Aл-Aқса шаҳидлари шифохонасининг Ғазо марказидаги энг муҳим соғлиқни сақлаш муассасаси эканлигини таъкидлади. Ушбу тиббиёт муассасасининг фаолиятига путур етказиш “маънавий ва тиббий шармандалик” бўлади деди у.

ЎзА