Jahon sog‘liqni saqlash tashkiloti (JSST) bosh direktori Tedros Adhanom Gebreyesus Isroil armiyasining G‘azo sektorida tinch aholini qirg‘in qilishini zudlik bilan to‘xtatishga chaqirdi.

“G‘azo sektoridagi qirg‘in to‘xtatilishi kerak”, deb yozadi u ijtimoiy tarmoqdagi sahifasida.

Bosh direktor G‘azo sektoridagi Al-Aqsa shahidlari kasalxonasi hududida to‘qnashuvlar avj olgani va evakuatsiya qilish bo‘yicha buyruqlar davom etayotgani haqida “tashvishli” xabarlar olayotganini aytdi.

600 dan ortiq Al-Aqsa shahidlari bemorlari va tibbiyot xodimlari shifoxonani tark etishga majbur bo‘ldilar, deydi Gebreyesus tibbiyot muassasasi direktoriga tayanib.

“JSST xodimlari Al-Aqsa shahidlari shifoxonasida jirkanch manzaralarga guvoh bo‘lishdi, u yerda turli yoshdagi odamlar qonga belangan pollar va tartibsiz yo‘laklarda davolandi”, — dedi Gebreyesus.

JSST rahbarining ta’kidlashicha, avvalgi haftalarda 14 nafar kishi halok bo‘lib, 48 nafar yarador shifoxonaga yetkazilgan bo‘lsa, so‘nggi kunlarda bu raqamlar ancha ortgan. Al-Aqsa shahidlari shifoxonasining G‘azo markazidagi eng muhim sog‘liqni saqlash muassasasi ekanligini ta’kidladi. Ushbu tibbiyot muassasasining faoliyatiga putur yetkazish “ma’naviy va tibbiy sharmandalik” bo‘ladi dedi u.

O‘zA