Аргентина ташқи ишлар вазири Диана Мондино мамлакатнинг БРИКСга аъзо бўлишдан воз кечишига сабаб қисман мафкура билан боғлиқлигини тасдиқлади.
“Аргентинанинг иқтисодий муаммолари кўп. БРИКСнинг мақсади — мамлакатлар билан савдо қилиш. Биз ташкилотга аъзо давлатлар билан доимий ҳамкормиз. Агар ҳамма ташкилотда иштирок этаверсак, унда қачон ишлаймиз?”, – деган вазир “La Nación” телеканалига берган интервьюсида.
У шунингдек, Аргентина АҚШ, Исроил, Янги Зеландия, Европа, Канада каби либераль демократик мамлакатлар билан ишлашини эслатиб ўтган.
Аввалроқ Аргентина президенти Хавьер Милей БРИКС мамлакатлари етакчиларига мактуб йўллаб, мамлакат мазкур ташкилотга аъзо бўлмаслигини маълум қилган эди.