Ózbekstan Respublikası Prezidentiniń Qararı

Keyingi jıllarda elimizde insan qádirin, huqıqların hám máplerin támiyinlew, jámiyetimizde tınıshlıq, doslıq hám awızbirshilik ortalıǵın bekkemlew, xalıqtıń, ásirese, járdemge mútáj qatlamlardı sociallıq qorǵaw baǵdarında ámelge asırılıp atırǵan keń kólemli reformalarımız sebepli muqaddes islam dininiń adamgershilik mánisi, óz-ara awızbirshilik, saqawat hám shúkirshilik ideyaların ózinde jámlegen múbárek Ramazan ayı xalqımızdıń qálbine jáne de jaqın hám ullı áyyyamǵa aylanbaqta.
Sociallıq-ruwxıy turmısımızdaǵı ornı hám áhmiyeti kún sayın artıp baratırǵan Ramazan ayın múnásip kútip alıw hám joqarı dárejede ótkeriw, diniy-aǵartıwshılıq, mádeniy qádiriyatlarımızdı qásterlep-saqlaw hám ulıǵlaw maqsetinde:
1. 2026-jılı múbárek Ramazan ayınıń baslanıwı 19-fevral kúnine tuwra keliwi haqqındaǵı Ózbekstan musılmanları mákemesiniń málimlemesi maǵlıwmat ushın qabıl etilsin.
Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri Din isleri boyınsha komitet, Ózbekstan máhálleleri associaciyası, Sociallıq qorǵaw milliy agentligi, Ózbekstan veteranlarınıń sociallıq jumısın qollap-quwatlaw “Nuranıy” qorı hám basqa da birge islesiwshi shólkemler menen birgelikte elimizde Ramazan ayın milliy dástúr hám qádiriyatlarǵa say túrde ótkeriwge baylanıslı ilajlardı ámelge asırsın.
“Ramazan – miyrim-shápáát, awızbirshilik hám shúkirshilik ayı” degen iygilikli ideya tiykarında:
kem támiyinlengen, járdemge mútáj, sociallıq qorǵawǵa mútáj insanlardı hár tárepleme qollap-quwatlaw;
máhállelerdi óz-ara húrmet, awızbirshilik, ádillik hám tárbiya mákanına aylandırıw;
jer, suw, hawa hám tábiyǵıy ortalıqtı qorǵaw, muqaddes zıyarat orınları, zıyarat etiw orınları hám qoyımshılıqların abadanlastırıw;
Ramazan ayı menen baylanıslı ilajlardı ısırapgershilikke jol qoymay, ıqsham, mazmunlı hám únemlilik tiykarında ótkeriwge ayrıqsha itibar berilsin.
1. Ózbekstan Milliy teleradiokompaniyası, Ózbekstan Milliy málimleme agentligi hám basqa da ǵalaba xabar qurallarına Ramazan ayın ótkeriw menen baylanıslı ilajlardı keńnen sáwlelendiriw usınıs etilsin.
Usı qarardıń orınlanıwın qadaǵalaw Ózbekstan Respublikasınıń Bas ministri A.N.Aripovqa hám Ózbekstan Respublikası Prezidentiniń keńesgóyi R.Q.Davletovqa júklensin.

Ózbekstan Respublikası
Prezidenti Sh.MIRZIYoEV

Tashkent qalası,
2026-jıl 16-fevral