Ózbekstan Respublikası Prezidentiniń qararı

Básekige shıdamlı ónimler islep shıǵarıwdı xoshametlew, jergilikli óndirislik kárxanalardı sapalı hám arzan shiyki zat penen támiyinlew, joqarı qosımsha qunǵa iye ónimlerdi eksport etiwdi qollap-quwatlaw maqsetinde qarar etemen:
1. Ekonomika hám qarjı ministrligi hám Investiciyalar, sanaat hám sawda ministrliginiń Ózbekstan Respublikasında islep shıǵarılmaytuǵın hám belgilengen tártipte anıq texnikalıq parametrler tiykarında qáliplestiriletuǵın dizim boyınsha respublika aymaǵına alıp kiriletuǵın polietilen granulaları ushın akciz salıǵın 2025-jıl 1-sentyabrden 2028-jıl 1-yanvarǵa shekem nollik stavkada qollanıw haqqındaǵı usınısına kelisim berilsin.
2. 2028-jıl 1-yanvarǵa shekem ayırım etilen polimerleriniń birlemshi formaları (TIF TN kodı 3901 10 900 0, 3901 30, 3901 40) hám propilen polimerleriniń birlemshi formaların (TIF TN kodı 3902 10 000 0) import etiwde bajıxana bajısınıń nollik stavkası qollanılsın.
Bajıxana komiteti Ózbekstan texnikalıq jaqtan tártipke salıw agentligi menen birgelikte mámleketke sapasız kontrafakt iyiliwsheń qadaqlar (polietilen plyonkalar, polipropilen plyonkalar, toqıma emes materiallar, polietilen qaplar, big-begler hám basqalar) importınıń aldın alıw (eks-officcio principi tiykarında)ilajların kórsin.
4. Ekonomika hám qarjı ministrligi:
a) bir ay múddette Salıq kodeksine usı qarardıń 1-bántinen kelip shıǵatuǵın ózgeris kirgiziwdi názerde tutatuǵın nızam joybarın;
b) 2025-jıl 1-oktyabrge shekem polietilen granulaların islep shıǵarıwshı jergilikli kárxanalar ushın akciz salıǵı salınıwında import penen teń sharayatlar jaratıw boyınsha usınıslardı Ministrler Kabinetine kirgizsin.
5. Investiciyalar, sanaat hám sawda ministrligi Ekonomika hám qarjı ministrligi, mápdar ministrlikler hám uyımlar menen birgelikte bir ay múddette usı qarardıń orınlanıwın támiyinlew, onıń mazmun-mánisi hám áhmiyeti isbilermenlik subektlerine jetkeriliwin hám túsindiriliwin támiyinlesin.
6. Usı qarardıń orınlanıwın qadaǵalaw Ózbekstan Respublikası Bas ministriniń orınbasarı J.A.Xodjaevqa júklensin.

Ózbekstan Respublikası
Prezident Sh.MIRZIYoEV
Tashkent qalası,
2025-jıl 18-avgust