Nókis qalasında qálbeki alkogol ónimleriniń nızamsız aylanısı hám “jasırın cex” jumısınıń aldın alıw maqsetinde Qaraqalpaqstan Respublikası Bajıxana basqarmasınıń Kontrabandaǵa qarsı gúresiw bólimi hám huqıq qorǵaw uyımlarınıń xızmetkerleri menen birgelikte aldın ala alınǵan maǵlıwmatlar tiykarında operativ ilaj ótkerildi.
Nátiyjede alkogol ónimlerin islep shıǵarıwda paydalanılatuǵın ulıwma bahası 129 million sumǵa teń bolǵan 138 dana akciz markası, 20,65 litr qoldan tayarlanǵan spirtli ishimlik, 45 dana jelim, 6 dana filtrlew úskenesi, 1 dana mór, 33081 dana bos shiyshe ıdıs jáne alkogol ónimlerin tayarlawda paydalanılatuǵın basqa da buyımlar anıqlandı.
Bul jaǵday boyınsha Qaraqalpaqstan Respublikası Bajıxana basqarması tárepinen Ózbekstan Respublikası Jınayat kodeksiniń 176-statyası 1-bólimi hám 186-statyası 2-bólimi menen jınayat isi qozǵatıldı.

Qaraqalpaqstan xabar agentligi