Usı kúnleri Gúlistan qalasında futbol boyınsha jas óspirimler arasında «Sırdárya wálayatı hákimi kubogi» jarısı bolıp ótpekte.
Bul jarısqa Nawrız Alimov basshılıǵındaǵı «Aral Akademiya» komandası da tabıslı qatnaspaqta. «V» toparınan orın alǵan nókisli futbolshılar turnirdiń birinshi turında «Samarqand» futbol akademiyası komandasın 3:1, ekinshi turda Sırdárya futbol akademiyası futbolshıların 1:0 esabında jeńip shıǵıwǵa eristi.
Al, úshinshi turda bolsa, jas futbolshılarımız A.Jomiy klubı menen óz-ara oynap, óz qarsılaslarına 0:1 esabında jeńilip qaldı.
Bul turdaǵı upay joǵaltıwǵa qaramastan komandamız turnirdiń yarım finalına jol aldı hám «V» toparınıń jetekshisi «Gúlistan» klubı menen óz-ara gúres júrgizedi.
«Aral Akademiya» komandasına bul oyında da jeńiske erisiwine tilekleslik bildirip qalamız.

Adilbay Orazov,
Qaraqalpaqstan xabar agentligi sholıwshısı