Belarus Respublikası Bas ministri Aleksandr Turchin basshılıǵındaǵı delegaciya elimizge rásmiy saparı sheńberinde “TEXNOPARK” JShJ óndirislik kompleksine bardı.
Miymanlarǵa kárxananıń óndirislik quwatlılıǵı tanıstırıldı. Atap aytqanda, olar elektron gaz esaplaǵısh, lift hám eskalator, muzlatqısh hám kir juwıw mashinası, kondicioner, nasos, sonday-aq, alyuminiy kompozit panel hám bazalt izolyaciya materialların islep shıǵarıw procesi menen jaqınnan tanıstı.
2019-jılı importtıń ornın basatuǵın ónimlerdi islep shıǵarıw maqsetinde shólkemlestirilgen bul kárxana búgingi kúnde joqarı texnologiyalı óndiriske baǵdarlanǵan 17 obektti birlestirgen iri sanaat orayına aylanǵan. Házirgi waqıtta komplekste 5 000 ǵa shamalas xızmetker jumıs alıp baradı.
Texnopark ónimleri Rossiya, Rumıniya, Qazaqstan, Ázerbayjan, Gruziya, Tájikstan, Mongoliya, Túrkiya, Qırǵızstan hám Awǵanstan bazarına eksport etilmekte.

Dilshod HAKIMOV, ÓzAnıń xabarshısı