Belarus Respublikası Bas ministri Aleksandr Turchin basshılıǵındaǵı húkimet delegaciyası rásmiy sapar menen Ózbekstanda boladı.
Belarus húkimeti baspasóz xızmetiniń xabar beriwinshe, Tashkentke sapar etiw sheńberinde Ózbekstan-Belarus isbilermenler keńesiniń tórtinshi májilisi hám biznes-forum ótkeriliwi rejelestirilgen. Eki kúnlik sapar baǵdarlamasınan húkimet basshıları dárejesindegi sóylesiwler, bir qatar sanaat kárxanalarına saparlar da orın alǵan.
Joqarı dárejedegi ushırasıwlarda eki mámleket arasındaǵı sawda-ekonomikalıq hám investiciyalıq birge islesiwdi rawajlandırıw máseleleri dodalanadı. Sanaat kooperaciyasın keńeytiw, isbilermenlik baylanısların bekkemlew hám birgeliktegi joybarlardı alǵa qoyıw máselelerine ayrıqsha itibar qaratıladı.

Aziza ALIMOVA, ÓzA