2026-jıldıń basında Ózbekstan turizm tarawında jáne bir áhmiyetli nátiyjeni atap ótti. Yanvar ayınıń ózinde mámleketke derlik 1 million sırt el puqarası keldi.
Bul kórsetkish tek ǵana tarawdaǵı unamlı dinamikanı emes, al Ózbekstannıń xalıqaralıq turistlik baǵdar sıpatında tartımlılıǵı artıp atırǵanın da ayqın kórsetpekte.
Ózbekstan Respublikası Milliy statistika komitetiniń maǵlıwmatlarına bola, 2026-jıldıń yanvar ayında 950 278 sırt el puqarası turistlik maqsetlerde Ózbekstanǵa kelgen.
Atap ótiliwinshe, bul kórsetkish 2025-jıldıń sáykes dáwirine salıstırǵanda 271,6 mıńǵa yamasa derlik 40 procentke artqan.
Yanvar ayında Ózbekstanǵa eń kóp turist Qırǵız Respublikası (282 798), Tájikstan (244 373), Qazaqstan (207 858), Rossiya (69 070), Awǵanstan (43 572), Túrkmenstan (28 150), Qıtay (25 666), Túrkiya (12 740), Hindstan (6 095), Koreya Respublikası (3 237) nan kelgen.

Hamroz Bayanov, ÓzA