Tashkent qalasında oqıw-shınıǵıw jıyınların ótkerip, jańa futbol máwsimine tayarlanıp atırǵan Nókistiń «Aral» klubı jáne bir neshe joldaslıq oyınlarda qatnastı.
Atap aytqanda, komandamız aǵzaları Qırǵız Respublikasınıń «OshMU-Aldier» klubı menen 0:0 oynaǵan bolsa, búgin Pro-liganıń jańa wákili Samarqand wálayatınıń «Kattaqwrǵon» klubın 1:0 esabında jeńip shıǵıwǵa miyasar boldı.
Ushırasıwdaǵı jeńis tobın «Aral» klubınıń rossiyalı legioneri Mark Krasnov urıwǵa eristi.
Komandamızdıń oqıw-shınıǵıw jıyınları ele dawam etpekte.

Adilbay Orazov,
Qaraqalpaqstan xabar agentligi sholıwshısı