Hesh bir taraw tájiriybe almasıwısız jetik rawajlana almaydı. Ásirese, turaqlı úyreniw hám izleniw talap etiletuǵın bilimlendiriw sistemasında bul júdá áhmiyetli. Usı maqsette sońǵı jılları bul sistemada xalıqaralıq birge islesiwler keńeyip barmaqta.
Quwanıshlı tárepi sonda, bul óziniń unamlı nátiyjesin berip, endi xalıqaralıq maydanda Ózbekstan bilimlendiriwi de múnásip orınlardı iyelemekte.
Ázerbayjan Respublikasında Ózbekstan joqarı bilimlendiriw shólkemleriniń gezektegi kórgizbesi tabıslı shólkemlestirilgeni de mine usınday tán alıwlardıń logikalıq dawamı boldı.
Úlken qızıǵıwshılıq penen ótken kórgizbede mámleketimizden bir qatar joqarı bilimlendiriw mákemeleri qatnasıp, bilimlendiriw baǵdarlamaları, ilimiy potencialı hám xalıqaralıq imkaniyatların keń jámiyetshilikke usındı.
Abiturientler hám birge islesiwshiler ushın mólsherlengen “Study in Uzbekistan” veb-portalınıń prezentaciyası jıynalǵanlardı biypárwa qaldırmadı.
Sonday-aq, Ázerbayjannıń jetekshi universitetleri menen ushırasıwlar ótkerilip, eki tárepleme akademiyalıq almasıw, birgeliktegi bilimlendiriw baǵdarlamaları hám ilimiy birge islesiwdi rawajlandırıw boyınsha bir qatar y kelisimlerge erisildi.

Sherbek Islomov, ÓzA