29-yanvar —1-fevral kúnleri Rossiyanıń Krasnoyarsk qalasında erkin gúres boyınsha “Ivan Yarygin Cup” xalıqaralıq turniri bolıp ótti.
Jarısqa jer júziniń 21 mámleketinen 496 sportshı qatnasıp, erler hám hayal-qızlar arasında óz salmaq kategoriyaları boyınsha jeńimpazlıq ushın bellesti.
Keskin bellesiwlerge bay bolǵan jarısta Ózbekstan hayal-qızlar saylandı komandası atınan 6 salmaq kategoriyası boyınsha 10 palwan qız qatnastı hám kubok jeńimpazı bolıw ushın óz qarsılasları menen gúresti.
Solar arasında 50 kg salmaq kategoriyasında gúreske túsken Olimpiada oyınlarınıń qatnasıwshısı, Aziya chempionatı hám Aziya oyınlarınıń qola medal iyesi, Islam tilekleslik oyınlarınıń jeńimpazı Aktenge Kewnimjaeva qola medalın jeńip alıwǵa miyasar boldı.
Qola medalı ushın bellesiwde ol belaruslı Svetlana Katenkanı jeńip shıǵıwǵa eristi.

Qaraqalpaqstan xabar agentligi