Denetárbiya hám sport tarawındaǵı mámleketlik siyasattıń tiykarǵı baǵdarları, sonday-aq, denetárbiya hám sporttı rawajlandırıwdı mámleket tárepinen qollap-quwatlaw keńeytiledi.
Denetárbiya hám sport subektleri qatarına Sport ministrligi, Ózbekstan Milliy olimpiada komiteti, Ózbekstan Milliy paralimpiya komiteti kirgiziledi.
Sportta dopingtiń aldın alıw hám oǵan qarsı gúresiw tártibi jáne de jetilistiriledi. Sport jarıslarınıń nátiyjelerine nızamǵa qayshı túrde tásir kórsetiwge qarsı gúresiw boyınsha jańa normalar kirgiziledi.
Bul pikirler Senattıń Jaslar, hayal-qızlar, mádeniyat hám sport máseleleri komitetiniń májilisinde “Denetárbiyası hám sport haqqında”ǵı nızamdı dáslepki tárizde kórip shıǵıw waqtında atap ótildi.
Nızam menen paralimpiya, surdlimpiada, arnawlı olimpiada hám kózi ázziler sportı háreketlerine baylanıslı normalar, sport federaciyaları, sport klubları hám sport ligalarınıń huqıqıy statusı hám jumıs alıp barıw tártibi, olardı reestrge kirgiziw hám shıǵarıw normaları kirgizilmekte.
Nızamda trener, sport tóreshisi hám sport agentiniń huqıqıy statusı, huqıq hám minnetlemeleri de belgilenbekte.
Nızamda xalıqtı ǵalabalıq sportqa tartıw hám ǵalabalıq sport ilajların sistemalı ótkerip barıw belgilenbekte.
Nızamda sportshı hám trenerler mámleket tárepinen bir mártelik hám aylıq tólem túrinde qollap-quwatlanıwı múmkin ekenligi názerde tutılmaqta.
Senatorlar, ministrlikler hám uyımlardıń juwapkerleri, komitet ekspertleri, Jaslar parlamentiniń wákilleri jáne jergilikli keńeslerdiń tiyisli turaqlı komissiyalarınıń aǵzaları qatnasqan dodalawdan soń nızamdı tastıyıqlaw haqqındaǵı juwmaq qabıl etildi.

N.Abduraimova,
ÓzA