Hawa temperaturasınıń tómenlewi sebepli tutınıwshılardı energiya resursları menen úzliksiz támiyinlew maqsetinde energetika sisteması 24 saatlıq kúsheytilgen jumıs rejiminde islemekte.
Aymaqlarda jumıslardıń barısı turaqlı qadaǵalawda bolıp, júzege kelip atırǵan nasazlıqlar jedellik penen saplastırılmaqta.
Atap ótiliwinshe, hawa temperaturasınıń keskin tómenlewi nátiyjesinde tábiyǵıy gazge bolǵan talap artqanı sebepli, ayırım aymaqlardaǵı qubırlarda gaz basımınıń tómenlewi baqlanbaqta. Usı múnásibet penen xalıqtıń shańaraqları, medicina hám bilimlendiriw mákemelerin birinshi gezekte tábiyǵıy gaz benen támiyinlew tiykarǵı wazıypa etip belgilengen.
Usı jaǵdaydan kelip shıǵıp, avtomobillerge gaz toltırıw-kompressor shaqapshaları – “metan zapravka”lardıń jumısına waqıtsha sheklew kirgizilgen. Atap ótiliwinshe, bul ilajlar tek ǵana suwıq kúnlerde xalıq ushın turaqlı gaz támiynatın támiyinlewge qaratılǵan bolıp, jaǵday turaqlasıwı menen sheklewler biykar etiledi. Aymaqlardaǵı jaǵdaydan kelip shıǵıp, qosımsha maǵlıwmatlar usınıladı.
Sonıń menen birge, xalıqtıń talapların támiyinlew maqsetinde sociallıq taraw obektlerine xızmet kórsetiwshi jámiyetlik transport quralları ushın gaz támiynatı sheklewlersiz, turaqlı túrde támiyinlenedi. Bul baǵdarlarda jumıs alıp barıp atırǵan transport qurallarınıń úzliksiz islewi xalıqqa kórsetilip atırǵan xızmetlerdiń sapasın saqlap qalıwda ayrıqsha áhmiyetke iye.

N.Ziyodullaeva, ÓzA