Texnikalıq rawajlanıw imkaniyatı sheklengen insanlar ushın da áyne maqset boldı. Atap aytqanda, kóriwinde kemshiligi bar shaxslar telefon hám kompyuterden dawıslı járdemshi arqalı biymálel paydalanıw imkaniyatına iye. Bul olardıń oqıw hám miynet jolında qolaylı bolmaqta. Ulıwma alǵanda, inklyuzivlesip rawajlanıp atırǵan búgingi kúnde imkaniyatı sheklengenlerdiń kompyuter texnologiyasınan nátiyjeli paydalanıwı úlken áhmiyetke iye.

Tashkent qalasında jaylasqan Muhammed al-Xorezmiy atındaǵı málimleme texnologiyalarına qánigelestirilgen mektepte Respublikalıq inklyuziv IT-lageri rásmiy jumıs basladı.
Elimizdiń barlıq aymaqlarınan kelgen 150 talantlı hám belsendi jaslar 5 kún dawamında robototexnika hám sanlı kórkem óner baǵdarlarında bilim hám kónlikpelerin jáne de arttıradı.
Ózbekstan Respublikası Prezidenti janındaǵı Sociallıq qorǵaw milliy agentligi, Mektepke shekemgi hám mektep bilimlendiriwi ministrligi, “Zamin” xalıqaralıq jámiyetlik fondı hám “Digital Generation Uzbekistan” mámleketlik emes kommerciyalıq emes shólkemi menen birgelikte ámelge asırılıp atırǵan bul áhmiyetli baslama qatnasıwshılarına innovaciyalıq texnologiyalar menen jaqınnan tanısıp, óz dóretiwshilik hám texnikalıq potencialın kórsetiw imkaniyatın beredi.

Sherbek Islomov, ÓzA