Respublikamızdaǵı tayanısh mámleketlik mektepke shekemgi bilimlendiriw shólkemlerinde “Balalarda sociallıq-emocionallıq rawajlanıwdı xoshametlew” atamasında gezektegi “Metodikalıq sheberlik kúni” ilajları ótkerildi.

Bul ilajlarda mektepke shekemgi bilimlendiriw shólkemleriniń pedagog xızmetkerleri belsene qatnasıp, ilaj dawamında balalarda sociallıq-emocionallıq kompetenciyalardı qáliplestiriw, olardıń sezimlerin ańlaw hám basqarıw, sonday-aq, sóylesiw kónlikpelerin rawajlandırıwǵa qaratılǵan zamanagóy pedagogikalıq kózqaraslar tuwralı máseleler dodalandı.
Sonday-aq, ilajda tárbiyalanıwshılardıń sociallıq beyimlesiwin hám emocionallıq turaqlılıǵın támiyinlewde nátiyjeli metodlar hám texnologiyalardan paydalanıw máselelerine ayrıqsha itibar qaratıldı.
Ilaj sońında aldıńǵı pedagogikalıq tájiriybeler ulıwmalastırılıp, olardı keleshekte tálim-tárbiya procesine keńnen engiziw boyınsha ámeliy usınıslar berildi.

Qaraqalpaqstan xabar agentligi