Hindstannıń Lakxnau qalasında gandbol boyınsha jas óspirimler hám jaslar arasında Xalıqaralıq gandbol federaciyası kuboginiń Aziya kontinenti basqıshı bolıp ótti.

Quwanıshlı tárepi sonda, bul jarısta Ózbekstan U-18 hám U-20 saylandı komandaları da tabıslı qatnasıp, final bellesiwlerinde jas óspirimlerimiz Hindstan saylandı komandasın 47:23, U-20 komandamız Qazaqstan saylandı komandasın 38:18 esabında jeńip shıǵıwǵa miyasar boldı.
Sonı aytıp ótiwimiz kerek, chempion komandalar quramında qaraqalpaqstanlı Baymurat Reypnazarov, Shaxzad Sherniyazov hám Raxat Joldasbaevlar qatnasıp, saylandı komandanıń jeńisine ózleriniń salmaqlı úleslerin qostı.

Qaraqalpaqstan xabar agentligi