Sociallıq tarmaqlardıń rawajlanıwı hámme ushın keń imkaniyatlar esigin ashqanı haqıyqat. Onda qálegen tarawǵa baylanıslı maǵlıwmatlar, materiallar oǵada kóp. Biraq, baspasózdiń rawajlanıwı sıpatında bahalanatuǵın radio, televidenie búgingi kúni qay dárejede itibar orayında?

Sociallıq tarmaqlardıń rawajlanıwı hámme ushın keń imkaniyatlar esigin ashqanı haqıyqat. Onda qálegen tarawǵa baylanıslı maǵlıwmatlar, materiallar oǵada kóp. Biraq, baspasózdiń rawajlanıwı sıpatında bahalanatuǵın radio, televidenie búgingi kúnde qay dárejede itibar orayında?
Gáp sonda, sociallıq tarmaqlar hár ekewi ushın da báseki quralı sıpatında maydanǵa shıǵıp keldi. Oǵan shekem bolsa radio-televidenie bir-birine básekiles emes, al bir-birin tolıqtırıwshı sıpatında xızmet etken. Ásirese, radio watanlaslarımızdıń turaqlı joldasına aylanǵan desek, qáte bolmaydı. Ondaǵı málimleme, túrli kewilashar baǵdarlamalar hám tartımlı muzıkalı esittiriwler adamlardıń waqtın mazmunlı ótkeriwine áhmiyetli faktor bolıp xızmet etken.
-Menińshe, radio men ushın ayrıqsha mektep wazıypasın atqarǵan hám atqarıp kiyatır. Men ullı qosıqshılarımızdıń qosıqları hám sheber atqarıwshılarımızdıń namaları menen áyne radio arqalı tanısqanman. Muzıkaǵa, ádebiyatqa mehir oyatıwda radionıń da ornı sheksiz, desem aljaspaǵan bolaman, – deydi Ózbekstan xalıq hafızı Aralmirza Safarov.
Haqıyqatında da, hár bir tarawdıń potencialın onıń jumıs sapası kórsetedi. Joqarıda biykarǵa sociallıq tarmaqlar haqqında sóz etpedik. Onda tańlaw imkaniyatı keń hám qolaylı bolsa da, sapa jaǵınan jetkilikli kemshilikler kózge taslanadı.
Radionıń jáne bir áhmiyeti sonda, ol ózbek diktorları mektebiniń shólkemlesiwi hám rawajlanıwında áhmiyetli kópir wazıypasın atqarǵan. Bir qansha radio baslawshılar óziniń sıyqırlı hawazı hám sóylegen sózi menen xalqımızdıń kewlinen tereń orın iyelewge erisken. Muslima Murodova, Dilfuza Yusupova, Mamurjan Abdiev hám Ozod Ravshanlar usılardıń qatarına kiredi.
Xosh, búgin adamlar nege radio tıńlamay qoydı? Bul soraw negizinde awır mashqala. Sebebi, millettiń haqıyqıy baspasóz potencialın kórsetiwshi ǵalaba xabar qurallarınan biri bul, álbette, radio bolıp esaplanadı. Bálkim, radio da sociallıq tarmaqlar yamasa ayırım telekanallar menen básekilesiw ushın hár qıylı kewil ashar esittiriwler tayarlawı kerek, degen juwmaq durıs shıǵar. Biraq haqıyqıy kórkem ónerdiń, jurnalistikanıń wazıypası tıńlawshı, tamashagóyge erisiw emes, al, ertiwden ibarat ekenin umıtpaw kerek. Sebebi, altın tat baspaydı, pal aynımaydı.

Sherbek Islamov,
ÓzA