Xojeli rayonındaǵı Samankól APJ aymaǵında jaylasqan “Shukurullaeva Tolǵanay” fermer xojalıǵında suw resurslarınan nátiyjeli hám aqılǵa uǵras paydalanıwǵa baǵıshlanǵan keńeytilgen kórgizbeli seminar shólkemlestirildi.

Ilajda Qaraqalpaqstan Respublikası Ministrler Keńesi Baslıǵınıń Awıl hám suw xojalıǵı máseleleri boyınsha orınbasarı Sh.Teshaev, Ózbekstan Fermerler Keńesi baslıǵınıń birinshi orınbasarı K.Sobirov, Qaraqalpaqstan Respublikası Suw xojalıǵı ministri B.Yusupov, Xojeli, Taqıyatas, Shomanay, Qanlıkól, Qońırat hám Moynaq rayonlarınıń hákimleri, awıl xojalıǵı kárxanalarınıń belsendileri hám fermerler qatnastı.
Shıǵıp sóylegenler awıl xojalıǵında suw resurslarınan nátiyjeli paydalanıw, suwdı únemleytuǵın zamanagóy texnologiyalardı keńnen engiziw arqalı óndiris nátiyjeliligin arttırıw búgingi kúnniń áhmiyetli máselesi ekenligin atap ótti.
Sonday-aq, «Ray nebesnıy» JShJ baslıǵı A.Axmedov tárepinen quyash panelleri tiykarında isleytuǵın «KAVSAR» texnologiyasınıń abzallıqları hám ekonomikalıq nátiyjeliligi haqqında maǵlıwmatlar berilip, bul sistemanı ámeliyatqa engiziw boyınsha usınıslar bildirildi.
Qatnasıwshılar ózlerin qızıqtırǵan sorawlarǵa juwap aldı.

Qaraqalpaqstan xabar agentligi