Shımbay rayonındaǵı 38-sanlı mektep direktorı Gáwhar Abdullaeva 2024 – jılı Yaponiyanıń JICA agentliginen grant jeńip alǵan edi.

Usı grant tiykarında bıyılǵı oqıw jılı basınan baslap yaponiyalı volontyor Yuno Mizobuchi 38-sanlı mektepte qızıǵıwshı oqıwshılarǵa yapon tili hám mádeniyatı boyınsha dógerek shólkemlestirip, búgingi kúni bul dógerekke 70 ten aslam balalar qamtıp alındı.
Jaqında JICA koordinatorları Adiljan Xasanov, Tomoko Ashixari hám volontyorlar Sato Yukixiro, Onoda Kacuxiro, Senbonki Emiko hám Kondo Rino mektep okıwshılarına jol háreketi qáwipsizligi boyınsha oyın túrinde shınıǵıwlar ótti.
Sonday–aq, kúnniń ekinshi yarımında mektepte “Yaponiya mádeniyatı kúni” shólkemlestirilip, onda yapon xalqınıń mádeniyatı hám milliy salt-dásturleri boyınsha ilaj shólkemlestirildi.
Ilajda Yaponiyanıń milliy kendama, fukuvaray, polochki, origami, kalligrafiya hám chay beriw dásturleri qatnasıwshılarǵa kórsetildi.
Ótkerilgen ilaj dawamında qatnasıwshılar yapon xalqınıń mádeniyat hám milliy salt-dástúrleri boyınsha volontyorlardan bunnan da keńirek maǵlıwmatlarǵa iye boldı.

Adilbay Orazov,
Qaraqalpaqstan xabar agentligi sholıwshısı