Tailand mámleketiniń Bangkok qalasında sporttıń jiu-jitsu túrinen Jáhán chempionatı bolıp ótti.

CHempionatqa 100 den aslam mámlekettiń sportshıları qatnasıp, jeńimpazlıq ushın óz-ara bellesiwlerge tústi.
Keskin ótken bellesiwler sońında, Ózbekstan saylandı komandası quramında qatnasqan respublikamız sportshıları 1 gúmis hám 7 qola medalın jeńip alıwǵa miyasar boldı.
Atap aytqanda, Nókis qalasındaǵı 2-sanlı sport mektebi tárbiyalanıwshısı S.Berdinizyazova, Ellikqala rayonındaǵı 1-sanlı sport mektebi tárbiyalanıwshıları K.Ǵulamova, M.Toxatabaev, Taqıyatas rayonı sport mektebi tárbiyalanıwshıları A.Tajibaev, D.Orazbaeva, A.Xaybulla hám S.Tirkeshovlar úshinshi orındı iyelegen bolsa, J.Maxsetbaev sıylı ekinshi orındı jeńip alıwǵa miyasar boldı.
Sportshılarımızdıń qolǵa kirgizgen bul jeńisi Ózbekstan Respublikasınıń Mámleketlik bayraǵı qabıl etilgeniniń 34 jıllıq bayramına haqıyqıy sawǵa boldı desek boladı.

Adilbay Orazov,
Qaraqalpaqstan xabar agentligi sholıwshısı