Bul haqqında Prezident Shavkat Mirziyoevtiń basshılıǵında máhálle sistemasın bunnan bılay da jetilistiriw hám orınlarda jumıslardı nátiyjeli shólkemlestiriw máseleleri boyınsha ótip atırǵan videoselektor májilisi dawamında atap ótildi.

Sharayat jaratıp berilgeni ushın orınlarda jeke menshik sheriklik tiykarında 1 mıńǵa shamalas zamanagóy máhálle imaratları qurıldı.
Sonıń menen birge, máhálle imaratların zamanagóy servis obektine aylandırıw ushın isbilermenlerge qosımsha jeńillikler beriledi.
Bárinen burın, wálayatlıq “Reformalar shtabı” isbilermenler menen másláhátlesip, máhálle imaratın qurıw ushın anıq orındı belgileydi, jer ajıratıw qararın shıǵarıp beredi.
Qala hám wálayat orayında isbilermenler tárepinen qurılıp, tómengi qabatında “máhálle jetiligi” jaylasatuǵın imaratlar 3 jıl múddetke jer hám múlk salıǵınan azat etiledi.
Awıllıq jerlerde bolsa bul jeńillikler 7 jıl boladı.
Imarat iyesi bolǵan isbilermenler usı múddet dawamında payda hám aylanıstan salıqtı 50 procentke tómenletilgen stavkada tóleydi.

ÓzA