Qazaqstan Respublikasınıń Aqtaw qalasında sporttıń dzyudo túrinen «Aktau Asian Judo Open 2025» turniri bolıp ótti.

Eki kún dawam etken xalıqaralıq jarısta dúnyanıń 10 nan aslam mámleketinen kúshli palwanlar qatnasıp, onda Ózbekstan Respublikası saylandı komandası 5 altın, 3 gúmis hám 8 qola medalı menen ulıwma komandalıq esapta birinshi orındı iyelewge miyasar boldı.
Quwanıshlı tárepi sonda, bul abıraylı jarısta respublikamız wákili Ernazar Sársenbaev -100 kg salmaqta barlıq qarsılasların jeńip shıǵıp, altın medal iyesine aylandı.
Pursattan paydalanıp, sportshımızdı hám onıń trenerlerin bul erisken tabısı menen qutlıqlaymız.

Qaraqalpaqstan xabar agentligi