Qaraqalpaqstan Respublikası prokurorı Sh.Aminov tárepinen Nókis rayonında «Kámbaǵallıqtan abadanlıqqa qaray» baǵdarlaması tiykarında kámbaǵallıqtı qısqartıw, xalıqtıń bántligin támiyinlew baǵdarında ámelge asırılıp atırǵan jumıslar úyrenildi.

Úyreniw dawamında anıqlanǵan sociallıq-ekonomikalıq mashqalalardı saplastırıw, shańaraqlardıń miynetke jaramlı, jumıssız aǵzalarınıń bántligin támiyinlew, turaq jaylardıń gúzgi-qısqı máwsimge tayarlıq jumıslarına járdemlesiw baǵdarında mánzilli hám múddeti belgilengen wazıypalar belgilep alındı.
Sonday-aq, prokuror ózine biriktirilgen awır jaǵdaydaǵı shańaraqlardı barıp kórdi hám olardı kámbaǵallıqtan shıǵarıw boyınsha alıp barılıp atırǵan ilajlar dodalanıp, tiyisli ilajlar belgilep alındı. Sonı atap ótiw lazım, bıyılǵı jıldıń ótken dáwiri ishinde usınday shańaraqlardan úshewiniń turaq jayları tolıq ońlandı. Perzentleriniń pán dógereginde qosımsha bilim alıwı ushın járdem berildi. Barlıq shańaraqlardıń aǵzaları tolıq tereńlestirilgen medicinalıq tekseriwden ótkerildi. Qıytaq jerinen ónimli paydalanıwına járdemlesildi. 2 shańaraqtıń úsh aǵzası turaqlı jumısqa jaylastırıldı.

Qaraqalpaqstan xabar agentligi.