Bul haqqında “Ózbekneftgaz” AJ málimleme xızmeti xabar berdi. Onda málim etiliwinshe, usı shólkemniń quramındaǵı “Uzbekistan GTL” juwapkershiligi sheklengen jámiyetine Bajıxana komiteti tárepinen wákillikli ekonomikalıq operatordıń birinshi kategoriyası statusı berilgen.

Bul status neft-gaz tarawında birinshi márte “Uzbekistan GTL” kárxanasına berildi.
Áhmiyetli tárepi sonda, bunnan bılay “Uzbekistan GTL” kárxanası sırtqı sawda processlerinde bajıxana tólemlerin keshiktirip yamasa bólip-bólip tólew, tovarlardı tezirek rásmiylestiriw hám shıǵarıw, tasıw jónelislerin erkin belgilew, eksport júklerine qoyılǵan plombalardıń bajıxana uyımları tárepinen rásmiy tán alınıwı hám sırt el tovarların bajıxananıń aralasıwısız júrgiziwisiz tasıw imkaniyatına iye boladı.
Sonday-aq, bunday imkaniyat zavodtıń óndirislik hám eksport-import operaciyaların sezilerli dárejede jeńillestiredi. Atap aytqanda, texnologiyalıq úskeneler, awısıq bólekler hám reagentlerdi alıp kiriw processleri jedellesedi jáne tayar ónim, yaǵnıy sintetikalıq janılǵı hám basqa da túrdegi ónimlerdi sırt el bazarlarına eksport etiwde bajıxana rásmiylestiriwi ápiwayılasadı.
“Uzbekistan GTL” ushın berilgen bul status tek ǵana kárxananıń rawajlanıwı emes, al mámleketimiz sanaatındaǵı logistika hám sırtqı ekonomikalıq baylanıslardıń jáne de jetilisiwine xızmet etedi.
Maǵlıwmat ornında, bunday status Ózbekstan Respublikası Ministrler Kabinetiniń 2020-jıl 24-avgusttaǵı qararı menen tastıyıqlanǵan “Wákillikli ekonomikalıq operatorlar haqqındaǵı reje” tiykarında beriledi. Ol wákillikli kárxanalarǵa bajıxana tarawında bir qatar qolaylıq hám jeńillikler jaratıp beredi.

N.Ziyodullaeva tayyorladi, ÓzA