Nókis rayonı “Aqmanǵıt” posyolkalıq puqaralar jıyını aymaǵınan ótiwshi “Aqmanǵıt” kanalı átirapında xalıq ushın qolaylı sharayat jaratıw maqsetinde 24 saatlıq (24/7) rejimde jumıs isleytuǵın arnawlı xızmet kórsetiw ornı hám “Xalıq seyili” sawda-kewilashar orayınıń qurılısı ámelge asırılmaqta.

Joybar sheńberinde jámi 40 tan aslam sawda hám xızmet kórsetiw shaqapshaların shólkemlestiriw názerde tutılǵan.
Sonıń menen birge, balalar ushın oynaw maydanshası, Workaut hám fontan hám basqa da baǵdarlar boyınsha xızmet kórsetiw orınlarınıń shólkemlestiriliwi rejelestirilgen.
Joybardı ámelge asırıw ushın 6,6 milliard sum qarjı qaratılǵan bolıp, házirgi waqıtta qurılıs jumısları jedel pátlerde dawam etpekte.

Qaraqalpaqstan xabar agentligi