Xojeli rayonındaǵı «Jaslar orayı» nda máhálle baslıqları ushın oqıw-seminarı shólkemlestirildi.

Ilajǵa rayon hákimi J.Ermashev, Ózbekstan máhálleleri associaciyası Qaraqalpaqstan Respublikası basqarması baslıǵınıń orınbasarı A.Primbetov hám tiyisli taraw basshıları qatnastı. Seminarda «máhálle jetiligi» aǵzalarınıń jumısın nátiyjeli shólkemlestiriw hám olardıń mámleketlik uyımlar, jámiyetlik shólkemler, Xalıq deputatları Keńesleri menen óz-ara birge islesiwin sistemalı jolǵa qoyıw, jumıssız xalıqtıń bántligin támiyinlew hám kámbaǵallıqtı qısqartıw boyınsha tiykarǵı wazıypalar belgilep alındı. Oqıw seminarda qáwipsiz máhálle ortalıǵın jaratıw, «sanlı máhálle» platforması, máhálleniń finanslıq imkaniyatların arttırıw sıyaqlı baǵdarlarda kónlikpeler berildi. Sonıń menen birge, máhálle baslıǵınıń jaslar tárbiyasındaǵı ornı, kem támiyinlengen hám járdemge mútáj puqaralarǵa sociallıq xızmet kórsetiwde ashıq-aydınlıq máselelerine ayrıqsha áhmiyet qaratıldı. Seminar dawamında máhálle baslıqları óz-ara pikir alısıp, juwapkerlerden qızıqtırǵan sorawlarına juwap aldı.

Qaraqalpaqstan xabar agentligi