Ózbekstan Xalıq demokratiyalıq partiyası Oraylıq Keńesinde Evropada qáwipsizlik hám birge islesiw shólkemi Demokratiyalıq institutlar hám insan huqıqları boyınsha byurosı (EQBSh DIIHB) wákilleri menen ushırasıw bolıp ótti.

Sóylesiwde Ózbekstan Xalıq demokratiyalıq partiyası Oraylıq Keńesiniń baslıǵı Uluǵbek Inoyatov partiyanıń baǵdarlamalıq maqset hám wazıypaları, xalıqtıń máplerin bildiriwdegi ornı, siyasiy processlerdegi qatnası hám parlamenttegi jumısı haqqında maǵlıwmat berdi. Sonıń menen birge, partiya tárepinen alıp barılıp atırǵan joybarlar, saylawlardaǵı qatnasıwı, xalıqtı sociallıq qorǵawǵa qaratılǵan baǵdarlamalıq háreketlerge ayrıqsha toqtap ótti. Sonday-aq, EQBSh DIIHB missiyasınıń tiyisli esabatında keltirilgen tallawlar hám usınıslar demokratiyalıq processlerdi jedellestiriwde ayrıqsha áhmiyetke iye ekenin atap ótti.
EQBSh DIIHB saylaw departamenti baslıǵınıń orınbasarı U.Axundlu ushırasıw ushın minnetdarshılıq bildirip, siyasiy processlerde ulıwma tán alınǵan normalar menen qaǵıydalardı engizip barıw áhmiyetli ekenligi haqqında pikirlerin bildirdi. Siyasiy processlerge xalıqaralıq standartlar tiykarında qatnas jasaw, saylaw ámeliyatında ashıq-aydınlıqtı támiyinlew, barlıq siyasiy partiyalar ushın teńdey sharayatlar jaratıw máseleleri boyınsha óz pikir-usınısların bildirdi.

M.Komilova, ÓzAnıń xabarshısı