ShBSh sammiti baspasóz orayında Syao Xe atlı robot jumıs alıp barmaqta. Temir adamnıń atı “xeczo” sózinen alıngan, birge islesiw mánisin anlatadı. Qurılma rus, qıtay hám inglis tillerinde sammitke baylanıslı hár qanday tema boyınsha maǵlıwmat bere aladı.

– Tyanczin sammiti aǵza mámleketlerdiń birge islesiwin bekkemlewge járdem beredi, – dep Syao Xeniń sózlerin keltirgen RIA Novosti.
– Ánjumanda áhmiyetli regionallıq hám globallıq máseleler dodalanadı. Atap aytqanda, ekonomikalıq, siyasiy hám mádeniy baylanıslardıń kólemin keńeytiwge qaratılǵan qararlar qabıl etiledi, qáwipsizlik, terrorizmge qarsı gúresiw, sanlı ekonomika hám turaqlı rawajlanıwǵa baylanıslı áhmiyetli temalar da kóteriledi.
Robot-eksperttiń atap ótiwinshe, “sammit regionda turaqlılıq hám abadanlıq jolında sóylesiw arqalı birgelikte zárúr sheshimler tabıw imkaniyatın da jaratadı”.

M.Pirmatova, ÓzA