AQSh Prezidenti Donald Tramp tárepinen engizilgen qalalardaǵı jınayatshılıqqa qarsı gúresiw ilajı sharayatında paytaxt Vashington qalasında nızamsız migrantlardı qamaqqa alıw jaǵdayı on esege arttı. Bul haqqında CNN arnawlı tallawǵa súenip xabar tarqattı.

– 7-avgusttan berli federal agentler Kolumbiya okruginde nızamlı immigraciya statusına iye bolmaǵan 300 adamdı qolǵa aldı. Bul ádettegi kórsetkishten on esege joqarı, – delingen telekanal xabarında.
Atap ótiliwinshe, Tramp jańa múddetiniń dáslepki altı ayında immigraciya xızmeti xızmetkerleri paytaxtta háptesine ortasha 12 migranttı uslaǵan.
Aldın jetekshi federal hákimiyat uyımlarınıń Vashingtonda jınayatshılıqqa qarsı gúresiwge qaratılǵan bir qatar qararların járiyalaǵan. Sonıń ishinde, óz pármanı menen qalalıq policiyanı tikkeley federal húkimet qadaǵalawına ótkerdi. Bunnan tısqarı, paytaxtqa Milliy gvardiyanı jibergen hám kerek bolsa, qurallı kúshler de kirgiziliwi menen qáwip salǵan.
Ayırım ǵalaba xabar qurallarında bunday is-háreket jergilikli xalıqtıń narazılıǵına sebep bolıp atırǵanı aytılmaqta.
Haqıyqatında da, 20-yanvar – inauguraciya kúni Donald Tramp AQShtıń 47-prezidenti sıpatındaǵı birinshi shıǵıp sóylegen sózinde nızamsız migrantlardıń Amerika aymaǵına kirip keliwin jedel toqtatıw, millionlaǵan migrantlardı mámleketten shıǵarıp jiberiw procesin baslawǵa wáde bergen. Sonday-aq, mámlekettiń qubla shegarasındaǵı jaǵday múnásibeti menen milliy ayrıqsha jaǵday járiyalaǵan.

S.Rahimov, ÓzA