Kadastr xızmetlerin kórsetiw hám Ózbekstan Respublikasınıń 937-sanlı nızamına tiykarlanıp xatlaw jumıslarında taraw qánigeleriniń korrupciyalıq jaǵdaylardı boldırmaw, xatlaw dawamında dámegóylik hám lawazımnan paydalanıwdıń aldın alıw maqsetinde Mámleketlik kasdastrlar palatası Qaraqalpaqstan Respublikası basqarması baslıǵı S.Urunboev qalalıq hám rayonlıq filiallarda bolıp, taraw xızmetkerleri arasında korrupciyanıń aqıbetleri hám onıń aldın alıw boyınsha ushırasıwlar ótkerdi.

Profilaktikalıq ushırasıwlar dawamında hám bir qánigeni «hadallıq vakcinası» menen emlenip, xalıqqa xızmet kórsetiwde hadal hám xızmet wazıypasın óz waqtında sapalı orınlawǵa shaqırdı. Sonday-aq, hár bir qánige menen birme-bir sáwbet ótkerilip, olardıń jumıs sharayatı menen tanısıp, korrupciya illetine meyilligi hám onı keltirip shıǵarıwı múmkin bolǵan sebepleri úyrenildi.
– Ótkerilgen ushırasıwlarda xatlaw dawamında qánigelerdi qıynap atırǵan mashqalalar hám bul baǵdardaǵı jumıslardı jedellestiriw boyınsha pikir alısıp, xatlawda tikkeley juwapker bolǵan kadastr injenerlerine hár ayda xatlawda tolıq juwmaqlanıwı kerek bolǵan obektler boyınsha wazıypalar belgilendi,-deydi basqarmanıń Insan resurların basqarıw bóliminiń baslıǵı E.Palmanov.
Bunday ushırasıwlar aldaǵı waqıtlarda jas kadrlardıń xadal jumıs alıp barıwına, óz jumısına degen pidaylıǵı jáne máhállelerde alıp barılıp atırǵan xatlaw jumıslarınıń is nátiyjeligin arttırıwǵa úlken túrtki boları anıq.

Qaraqalpaqstan xabar agentligi