“Abat hám payızlı máhálle – elimiz kórki” súreni astında pútkil Respublika boylap ótkerilip atırǵan ulıwmaxalıqlıq qayırqomlıq shembiligi orınlarda úlken kóterińkilik penen shólkemlestirilmekte. Usı ilaj sheńberinde qala hám rayonlardaǵı túrli shólkem hám kárxanalar abadanlastırıw jumıslarında belsene qatnaspaqta.

Tórtkúl rayonındaǵı shólkemler de bul iygilikli iske óz úlesin qospaqta. Atap aytqanda, ilaj sheńberinde imaratlar aldı aymaqları tazalanıp, qorshaǵan ortalıqtı abadanlastırıw, kóklemzarlastırıw jumısları ámelge asırılmaqta.
Atap aytqanda, “Tórtkúl sawda kompleksi” JShJ jumısshı-xızmetkerleri ulıwmaxalıqlıq shembilikte belsene qatnasıp, elimizdiń abadanlıǵı hám qorshaǵan ortalıqtıń azadalıǵına múnásip úles qospaqta. Sonday-aq, “Tórtkúl el ırısqı bazarı” JShJ jámááti de abadanlastırıw jumıslarında belsendilik kórsetpekte,- dep maǵlıwmat beredi rayon hákimligi Málimleme xızmeti bólimi.
Elimizde ótkerilip atırǵan bunday ilajlar xalıqtıń tileklesligi, awızbirshiligi hám Watannıń rawajlanıwına úles qosıw sezimin jáne de bekkemlep atırǵanı menen áhmiyetli bolıp esaplanadı. Tórtkúldegi qayırqomlıq shembilikleri joqarı ruwxta, jámáátlik miynet hám joqarı juwapkershilik penen dawam etpekte.

Qaraqalpaqstan xabar agentligi