Nókis qalasında «Ǵayratlı kekseler» súreni astında milliy gúres boyınsha nuranıy sportshılar arasında jarıs bolıp ótti.

Qızǵın bellesiwlerge bay ótken jarıs sońında, 80 kg salmaqta birinshi orındı Palwaniyaz Seytimov jeńip alıwǵa miyasar boldı. Sıylı ekinshi hám úshinshi orınlar Qanatbay Esmurzaev hám Hamraqul Shamukulovlarǵa nesip etti.
Al, +80 kg salmaqta bolsa, Nurqabıl Dáwletiyarov barlıq qarsılasların jeńip shıǵıp, jarıstıń respublikalıq basqıshına jollamanı qolǵa kirgizdi.
Ekinshi hám úshinshi orınlardı bolsa, Maqset Qutlımuratov hám Azatbay Niyetullaevlar jeńip aldı.
Jarıs sońında jeńimpazlar shólkemlestiriwshiler tárepinen tayarlanǵan arnawlı diplom hám estelik sawǵalar menen sıylıqlandı.

Adilbay Orazov,
Qaraqalpaqstan xabar agentligi sholıwshısı