Ózbekstan Prezidentiniń Awǵanstan boyınsha arnawlı wákili Ismatulla Irgashev keshe Germaniyanıń “Bergxof” qorınıń Awǵanstan, Oraylıq hám Qubla-Shıǵıs Aziya bóliminiń basshısı Basir Feda basshılıǵındaǵı delegaciya menen ushırastı, dep xabar beredi Ózbekstan Respublikası Sırtqı isler ministrligi.

Xabarǵa bola, sóylesiwler waqtında tárepler Awǵanstan boyınsha eki tárepleme birge islesiwdiń házirgi jaǵdayın hár tárepleme dodaladı.
Awǵanstan mashqalasın sheshiw boyınsha turaqlı sóylesiwdi qollap-quwatlawǵa óz-ara mápdarlıq atap ótildi.
Ushırasıw konstruktivlik ruwxta ótti hám Tashkent hám “Bergxof” qorı arasındaǵı ámeliy sóylesiwdi bunnan bılay da rawajlandırıwǵa óz-ara mápdarlıqtı tastıyıqladı.

Qaraqalpaqstan xabar agentligi