Rossiya hám AQSh Prezidentleri Vladimir Putin hám Donald Tramptıń Alyaskadaǵı ushırasıwı tabıslı juwmaqlanbasa, AQSh Rossiyaǵa sankciya basımın kúsheytiwi múmkin, dedi qarjı ministri Skott Bessent.

– Biz Hindstanǵa Rossiya neftin satıp alǵanı ushın ekilemshi bajı qoydıq, – degen ol “Blumberg” telekanalına bergen intervyuinde. – Eger jaǵday jamanlassa, sankciya yamasa ekilemshi bajı arttırılıwı múmkin.
Sonıń menen birge, ministr sankciyanıń kólemi hám múddeti eki mámleket basshılarınıń ushırasıwı nátiyjesine qarap ózgeriwi itimalın da biykarlamadı:
– Sankciya keskinlewi yamasa jumsartılıwı múmkin. Máselen, múddet shekleniwi yamasa sheksiz dawam etiwi múmkin.
Sonday-aq, ol Evropa mámleketlerin Moskvaǵa ekinshi dárejeli minnetleme júklew pikirine qosılıwǵa shaqırdı:
– Bul haqıyqatlıq payıtı – ya háreket etiń, ya tınısh turıń. Prezident óz tásir kúshin jaratpaqta. Evropalılar bizge qosılıwı, járdem beriwi kerek.
Kreml hám Aq úy aldınıraq Putin hám Tramp 15-avgust kúni Alyaskada ushırasatuǵının bildirgen. Shiyshembi kúni Aq úy baspasóz xatkeri Kerolin Levitt sammit Ankorijde bolıp ótetuǵının qosımsha etken.

S.Rahimov, ÓzA