Búgin medicinada tek emlew emes – profilaktika, sanlastırıw hám insanıylıq principlerine tiykarlanǵan innovaciyalıq sisteması engizilmekte. Respublikamızda densawlıqtı saqlaw tarawında ámelge asırılıp atırǵan túpkilikli reformalar turmıs sapasın jaqsılawǵa, hár bir puqaranıń salamatlıǵın kepillewge xızmet etpekte.

Taqıyatas rayonı medicina birlespesi balalar bólimi grant tiykarında Qaraqalpaqstandaǵı «Mehirli insanlar» fondı járdeminde mektepke shekemgi balalar oyını xanası, mektep jasındaǵı balalar ushın sabaq tayarlaw, súwret salıw xanası kerekli buyımlar menen támiyinlendi.
– Balalar ushın jaratılǵan bunday sharayatladan tek ǵana balalar emes, olardıń ata-anaları da minnetdar. Olardıń júzindegi quwanısh balalardıń tez sawalıp ketiwine sebepshi boladı,- deydi rayon hákiminiń orınbasarı Gulzira Bekbergenova.

Qaraqalpaqstan xabar agentligi