Balalardıń jazǵı dem alısın mazmunlı ótkeriw maqsetinde “Rohat” balalar jazǵı dem alıw orayı óz jumısın basladı.
Bul orayǵa birinshi máwsimde 100 bala qabıl etildi.

Bıyıl dem alıw ornına 6 máwsim shólkemlestirilip, hár bir máwsimde 100 bala qamtıp alınadı. Balalar dem alıs dawamında hár qıylı dógerek hám sport jarıslarına qatnasadı.
Beruniy rayonı hákiminiń orınbasarı D.Karimov hám bir topar shólkemlestiriwshiler dem alıw orayındaǵı ilajda qatnasıp, balalardıń mazmunlı dem alıwı ushın jaratılǵan sharayatlar menen tanıstı. Ilaj jas talant iyeleriniń qosıqları, ayaq oyınları hám sport ilajı menen dawam etti.

Qaraqalpaqstan xabar agentligi.