Qaraqalpaqstan Respublikası Ayrıqsha jaǵdaylar basqarmasında  «1-iyun – xalıqaralıq balalar kúni»  múnásibeti menen «Mehir hám itibar – hár bir bala ushın» súreni astında balalarǵa arnalǵan bayram ilajı ótkerildi.

Keshege basqarma xızmetkerleri hám olardıń perzentleri qatnastı.

Ilajda Qaraqalpaqstan Respublikası Ayrıqsha jaǵdaylar basqarması baslıǵınıń birinshi orınbasarı Baxtiyar Orazbaev keshe qatnasıwshıların bayram menen qutlıqlap, sońǵı jılları Prezidentimiz basshılıǵında elimizde balalardıń huqıq hám erkinliklerin qorǵaw, olardıń tálim-tárbiya hám zaman talabına say bilim alıwı ushın barlıq qolaylı sharayatlar jaratılıp  atırǵanın aytıp berdi hám olarǵa basqarmanıń baslanǵısh kásiplik awqamı shólkemi tárepinen tayarlanǵan bayram sawǵaların tapsırdı.

Sonday-aq, usı kúni tarawdıń juwapker basshıları Ayrıqsha jaǵdaylar basqarmasında xızmet babında qaytıs bolǵan xızmetkerlerdiń shańaraqlarınan xabar alıp, olarǵa bayram sawǵaların inam etti.

Adilbay Orazov,

Qaraqalpaqstan xabar agentligi sholıwshısı.