Bul haqqında Energetika ministrliginiń málimleme xızmeti xabar berdi. Onda atap ótiliwinshe, 26-27-may kúnleri Birlesken Arab Ámirlikleriniń Dubay qalasında «Qambarata GES-1» joybarı boyınsha ministrler dárejesinde ekinshi dógerek sáwbeti bolıp ótti.

Jáhán bankiniń járdeminde shólkemlestirilgen bul ushırasıwǵa Ózbekstan, Qazaqstan hám Qırǵız Respublikasınıń energetika ministrleri, sonday-aq, úsh mámlekettiń suw xojalıǵı ministrlikleri, ekonomika hám qarjı ministrlikleri jáne tiyisli energetika kompaniyalarınıń delegaciyaları qatnastı.
Sóylesiw waqtında «Qambarata GES-1» joybarın ámelge asırıwdaǵı anıq wazıypalar, olardı orınlaw múddetleri hám perspektivalı qádemler belgilep alındı.
Atap ótilgenindey, bul joybar Oraylıq Aziya regionında energetika qáwipsizligin bekkemlew, suw resurslarınan nátiyjeli hám aqılǵa uǵras paydalanıw, regionlararalıq birge islesiwdi rawajlandırıwǵa xızmet etetuǵın áhmiyetli baslama sıpatında tán alınbaqta.

N.Ziyodullaeva tayyorladi, ÓzA