Beruniy rayonı hákiminiń birinshi orınbasarı U.Matirzaev tárepinen xalıqtı qıynap kiyatırǵan máseleler boyınsha gezektegi qabıllaw shólkemlestirildi, – dep maǵlıwmat beredi Beruniy rayonı hákimligi Málimleme xızmeti bóliminiń baslıǵı A.Urazova.

Qabıllaw procesinde rayonda jasawshı bir qatar puqaralar ózlerin qıynap kiyatırǵan túrli máseleler boyınsha múrájat penen shıqtı. Sonıń ishinde, materiallıq járdem ajıratıw, jeńilletilgen kreditler alıw hám turaq jaylardı ońlawǵa baylanıslı mashqalalar kóterildi.
Múrájatlar tiyisli qánigelerdiń qatnasıwında hár tárepleme úyrenildi hám olardı belgilengen tártipte sheshiw boyınsha anıq tapsırmalar berildi.
Bul qabıllaw xalıqtıń mashqalaların ornında úyreniw hám sheshimin tabıwda áhmiyetli faktor bolmaqta.

Qaraqalpaqstan xabar agentligi