Ózbekstan Respublikası Ministrler Kabinetiniń arnawlı qararı tiykarında, usı jıldıń 25-aprel sánesinde «Shet tillerin oqıtıw boyınsha eń jaqsı mektep» tańlawınıń Qaraqalpaqstan Respublikalıq basqıshı ótkerilgen edi.

Tańlawǵa respublikamızdıń barlıq qala hám rayonlarınan dáslepki basqıshta jeńimpaz bolǵan mektepler qatnastı.
Belgilengen shártler tiykarında ótkerilgen tańlaw nátiyjeleri 14-may kún anıqlanıp, Kegeyli rayonındaǵı 55-sanlı mektep komandası 74,8 ball menen tańlawdıń Qaraqalpaqstan Respublikalıq basqıshınıń jeńimpazına aylandı.
Al, ekinshi orındı Ámiwdárya rayonındaǵı 40-sanlı mektep, sıylı úshinshi orındı Qońırat rayonındaǵı 47-sanlı mektep jámáátleri iyelewge miyasar boldı.
Tańlaw juwmaǵında, birinshi orın iyesi Kegeyli rayonındaǵı 55-sanlı mektep komandası 250 mln sum aqsha iyesine aylanıp, tańlawdıń Ózbekstan Respublikalıq basqıshına jollamanı qolǵa kirgizdi.
Al, ekinshi hám úshinshi orın iyeleri 200 hám 150 mln sum qarjı menen sıylıqlanatuǵın boldı.

Adilbay Orazov,
Qaraqalpaqstan xabar agentligi sholıwshısı