Jaslar isleri agentliginde usı festival sheńberindegi tańlaw hám joybarlardı shólkemlestiriw boyınsha baspasóz ánjumanı bolıp ótti.

Atap ótilgenindey, jas áwladtı mádeniyat, kórkem óner, sport hám málimleme texnologiyalarına tartıw, kitap qumarlıqtı úgit-násiyatlaw maqsetinde shólkemlestirilgen hám 1,5 millionnan aslam student-jaslardı qamtıp alǵan bul festival sheńberinde keń kólemli joybarlar hám tańlawlar shólkemlestirilmekte.
Atap aytqanda, “Kontent72” sociallıq videorolikler tańlawı hám “Talabalik davrim” foto hám video chellenji, student-qızlar ushın “AI Girls BootCamp” dem alıw orayınıń ashılıwı, mektep oqıwshıları hám universitet studentleriniń qatnasıwında “Zakovat” intellektuallıq oyınları, “Jismoniy tayyorgarlik sinovlari”, “Qalqon” jámiyetlik toparınıń jıyını, “Talabalar teatr studiyalari” tańlawları bolıp ótedi.
Sonday-aq, “BMT modeli” joybarı, “Ibrat” debat turniri, “Yurtim qadriyatlari” tańlawı, ilimiy-ámeliy konferenciyalar, “Quwnaqlar hám ziyrekler” festivalları da shólkemlestiriledi.
21-23-may kúnleri festival sheńberinde “TalabaExpo – 2025” kórgizbesi ótkeriledi. Úsh kúnlik baǵdarlama “Abiturientler kúni” – joqarı oqıw orınlarınıń prezentaciyaları, “Studentler kúni” – “TalabaStartUp Pitch” tańlawı, “Talaba Talant” kreativ shousı hám “Bitiruvchilar kuni” bos jumıs orınları yarmarkası, biznes joybarlar prezentaciyaları, “TalabaKelajak” – tabıslı pitkeriwshiler menen ushırasıwlardı óz ishine aladı.
Festival juwmaǵında 300 mıń studentti qamtıp alıwshı gala-koncert baǵdarlaması ótkeriledi.

ÓzA