Tórtkúl rayonı Málimleme kitapxana orayı imaratı aldında «Ózbekstan – kitapqumarlar eli» súreni astında V Respublikalıq “kitapqumarlıq hápteligi”niń saltanatlı ashılıw máresimi bolıp ótti.

Ilajdı Málimleme kitapxana orayınıń direktorı U.Matniyazov ashıp berdi. Soń, Respublikalıq Ruwxıylıq hám aǵartıwshılıq orayı Tórtkúl rayonlıq bóliminiń baslıǵı J.Settiev shıǵıp sóyledi, – dep maǵlıwmat beredi Tórtkúl rayonı hákimligi Málimleme xızmeti bólimi.
Sonday-aq, Mámleketlik til máseleleri boyınsha rayon hákiminiń keńesgóyi G.Nazarova, Tórtkúl Ekonomika universitetiniń oqıtıwshısı A.Erimbetov kitap oqıwdıń áhmiyeti haqqında aytıp ótti.
Kóp tarmaqlı 1-politexnikumı direktorınıń ruwxıylıq hám aǵartıwshılıq máseleleri boyınsha direktor orınbasarı Yu.Nurımbetov, Kitapqumar analar klubınıń aǵzası hám mádeniyat xızmetkeri Z.Allashova kitap haqqındaǵı óziniń tájiriybeleri menen ortaqlastı.
Ilaj dawamında qábiletli jasları tárepinen kórkem-dóretiwshilik hám poeziyalıq shıǵıwlar shólkemlestirildi.
Ózbekstan hám Qaraqalpaqstan Jazıwshılar awqamınıń aǵzası M.Yusupova shıǵıp sóylep, bársheni háptelikke belsene qatnasıwǵa shaqırdı.

Qaraqalpaqstan xabar agentligi